लोकोत्सव 2021

काणकोणच्या आदिवासी आनी रानांत रावपी समुदायांनी सांस्कृतीक आनी पर्यावरणीय मुल्यांचेर लक्ष केंद्रीत करपी 21वो लोकोत्सव 10, 11 आनी 12 डिसेंबर 2021 अशें तीन दीस आमोणें हांगा आयोजीत केल्लो. आदर्श युवा संघ, गांवडोंगरी, काणकोण-गोंय हांच्यांनी कला आनी संस्कृती संचालनालय पणजी-गोंय हांच्या सहकार्यान “लोकोत्सव-21” हाचें आयोजन केल्लें.

“लोकोत्सव-21”चे उद्घाटन गोंय राज्याचे राज्यपाल महामहीम श्री.पी.एस. श्रीधरन पिल्लई, गोंयचे मुख्यमंत्री डॉ. प्रमोद सावंत, आदिवासी कल्याण संचालिका श्रीमती त्रिवेणी वेळीप, गोंय अनुसुचीत जाती/जमाती आयोगाचे अध्यक्ष आनी गोंय सरकाराचे माजी मंत्री श्री रमेश तवडकर आनी आदिवासी कल्याण उपसंचालिका श्रीमती वीरा नाईक हांच्या उपस्थितींत केले. “लोकोत्सव-21”च्या दुसर्‍या दिसा छत्तीसगड राज्याचे मानादीक राज्यपाल, श्रीमती अनुसुईया उईके आनी गोंय अनुसुचीत जाती/जमाती आयोगाचे अध्यक्ष आनी माजी मंत्री श्री रमेश तवडकर हेवूय हाजीर आशिल्ले.

“लोकोत्सव-21” चा समारोप सुवाळो 12 डिसेंबर 2021 जालो, ह्या भव्य सुवाळ्याच्या अध्यक्ष सुवातेर हिमाचल प्रदेशाचे मानादीक राज्यपाल महामहिम राजेंद्र आर्लेकर, केंद्रीय आयुष मंत्री श्रीपाद नाईक, गोंय मनरीजवण सोसायटीचे उपाध्यक्ष श्री सुभाष फळ देसाय आनी गोंय अनुसुचीत जाती/जमाती आयोगाचे अध्यक्ष आनी गोंय सरकाराचे माजी मंत्री श्री रमेश तवडकर हाजीर आशिल्ले.

ह्या महोत्सवाचे मुख्य आकर्शण म्हणल्यार मध्य प्रदेश, महाराष्ट्र, कर्नाटक, छत्तीसगड, हिमाचल प्रदेश आनी गुजरात ह्या आठ राज्यांच्या राष्ट्रीय पांवड्या वयल्या गटांनी तांच्या राज्य समृद्ध संस्कृतीचे चित्रण करपी नृत्य सादरीकरण केल्ले. गोंयचे पारंपरीक लोकनाच, देखणी, गोफ, जागोर, घोडेमोडनी, धनगर नाच, मुसळ नाच, वीरभद्र हे राज्यस्तरीय गटांनी सादर केले. लोकोत्सवांत धालो आनी फुगडी सारख्या आदिवासी नाचाच्या माध्यमांतल्यान आदिवासी बायलांचो व्हड प्रमाणांत सहभाग दिसलो. ह्या वर्सा लेगीत धालो आनी फुगाडीच्यो 175 गटांनी लोकोत्सव-21 त तांचे नाच सादर केले.

ह्या उत्सवांत सुमार 752 स्टॉलांचेर दुर्मीळ आदिवासी हस्तकला प्रदर्शन आदिवासी पाककलेच्या रुपांत गिरेस्त संस्कृताय दिसून आयली. सुमार 105 स्टॉलांचेर आयुर्वेदीक वखदां आशिल्ली. तीन दीस चलपी उत्सवाचें आनीक एक आकर्शक म्हणळ्यार कबड्डी, व्हॉलीबॉल, मॅरेथॉन टग ऑफ वॉर अशे वेगवेगळे पारंपारीक खेळ आनी वेगवेगळे साहसीक उपक्रम आशिल्ले.

छायाचित्र आनी व्हिडिओ गॅलरी