लोकोत्सव 2022-22 वा वर्सुकी पारंपारीक आदिवासी महोत्सव
10 Dec, 2021 - 12 Dec, 2021
आदर्श युवा संघान, समाजांतल्या दुर्बळ घटकांच्या, विशेशता अनुसुचीत जमाती समुदायाच्या उन्नती खातीर संकल्पीत केल्ल्या ‘लोकोत्सव’ ह्या उत्सवाची 22 वर्सा मनयली. भारताचो गिरेस्त सांस्कृतीक दायज आनी पारंपारीक खेळांचे पुनरुज्जिवीवन आनी सांबाळप हो लोकोत्सव 2022चो हेतू आशिल्लो. आदर्श युवा संघान आदर्श ग्राम, आमोणें, पैंगीण,काणकोण, गोंय हांगा बिरसा मुंडा खेळां महोत्सव 2022 आयोजीत केल्लो, जाका व्हड यश मेळ्ळें आनी पुराय भारतांतल्यान 2 लाखां परस चड लोकनी उपस्थीती लायिल्ली. बिरसा मुंडा खेळां महोत्सवाची 1ली आवृत्ती 9,10 आनी 11 डिसेंबर 2022 दिसा आदर्श ग्राम आमोणें पैगींण, काणकोण, गोंय हांगा थारायिल्ली. ह्या खेळां सर्तींत राज्य पांवड्या वेले कबड्डी, व्हॉलीबॉल, खो-खो, मॅरेथॉन रेस, बॅडमिंटन आनी पारंपारीक खेळ अशे वेगवेगळे खेळ खेळले. ह्या खेळां महोत्सवांत खो-खो-288 खेळगडे, व्हॉलीबॉल-800 खेळगडे, बॅडमिंटन-120 खेळगडे आनी कबड्डी-280 खेळगडे ह्या सारक्या वेगवेगळ्या खेळांनी 2200 परस चड खेळगड्यांनी वांटो घेतिल्लो.
वेगवेगळ्या खेळांच्या 120 अधिकार्या सयत पुराय गोंयच्या तशेंच भारतांतल्या मॅरेथॉन सर्तींत-400 खेळाडू आशिल्ले. बिरसा मुंडा महोत्सवाक वेगवेगळ्या तालुक्यांनी, शाळांनी, क्लबांनी, संघटनांनी, आदार दिल्लो. मुख्यमंत्री डॉ. प्रमोद सावंत, सभापती श्री. रमेश तवडकर, आमदार, थळावे फुडारी, आनी हेर मान्यवरांच्या उपस्थितीत गोंयचे आदरणीय राज्यपाल श्री. पी. एस. श्रीधरन पिल्लई हांणी बिर्सा मुंडा खेळां महोत्सव 2022चें उक्तावण केलें.
गोंयचे मानादीक राज्यपाल श्री. पी.एस. श्रीधरन पिल्लई हांच्यानी खेळा महोत्सवाचो ध्वज फडकयलो आनी खेळा महोत्सवाचे उद्घाटन केलें. गोंयचे मुख्यमंत्री डॉ. प्रमोद सावंत, गोंय विधानसभेचे सभापती श्री. रमेश तवडकर, नावेलीचे आमदार श्री. उल्हास तुयेकर, कुंभारजुवेंचे आमदार श्री. राजेश फळदेसाय, गोंय भाजपाचे अध्यक्ष श्री. सदानंद तानावडे, काणकोण नगरपालिका अध्यक्ष रमाकांत नायक गांवकर, पैंगीण सरपंच श्रीमती सविता तवडकर, आनी हेर मान्यवर बिरसा मुंडा खेळा उत्सव 2022 च्या उद्घाटन सुवाळ्यात उपस्थीत आशिल्ले.
Photo & Video Gallery
