एसएस आंगले उच्च माध्यमीक विद्यालय, माशें, काणकोण हांच्या सहकार्यान गोंय राज्यांतल्या आदिवासी संबंदीत विशयांचेर रस्तो नाट्य.

एसएस आंगले उच्च माध्यमीक विद्यालयाचे वेवस्थापन श्री निराकार एज्युकेशन सोसायटी, माशें, काणकोण ह्या संस्थे वरवीं करतात आनी गोंयभर जनजातीय गौरव वर्साच्या निमित्तान आदिवासी कल्याणाचेर 22रस्तो नाट्याच्या सादरीकरणाचे आयोजन आनी अंमलबजावणी करतात.

हीं नाटकां म्हणळ्यार सांस्कृतीक अस्मिताय आनी कल्याणकारी येवजण्यां विशीं जागृताय करप आनी तळागाळांतल्या लोकां मेरेन पावोवपाचो यत्न आशिल्लो. आदिवासी कल्याण खातें आनी आदिवासी संशोधन संस्थेन दिल्ल्या दृश्टी, प्रोत्साहन आनी प्रशासकीय आदारा बगर हें येस शक्य जावचें नाशिल्लें.

ह्या कार्यावळींत गांवडोंगरी, खोतीगांव, लोलयें-पोळें, आगोंद, खोला, श्रिस्थळ, पिळगांव, कुळें, मोलें, धारबांदोडें ह्या सारक्या सुवातींचो आसपाव आशिल्लो आनी जनजागृतायेचेर आदारीत कार्यावळी वरवीं आदिवासी आनी ग्रामीण समुदाया मेरेन पावलो. आदिवासी कल्याणकारी येवजण्यो, सांस्कृतीक वळख आनी समाजीक प्रस्नां विशीं तळागाळांतल्या समुदायां मदीं जनजागृताय करपाच्या हेतून ग्राम पंचायती, शाळा, थळावीं बस स्थानकां, सरकारी संस्था आनी भौशीक मेळाव्यांनी रस्तो नाट्यांचें आयोजन केलें.