आदिवासी उपयोजनाची अंमलबजावणी आनी टीएसपीच्या वापराचेर नोडल अधिकार्‍या खातीर सेमिनार तशेंच कार्यशाळा

जीआयपीएआरडी वरवीं आदिवासी संशोधन संस्था आनी आदिवासी कल्याण संचालनालय हांच्या सहकार्यान नोडल अधिकार्‍या खातीर ‘आदिवासी उप-योजना’ (TSP) ची अंमलबजावणी आनी ते अंतर्गत निधीचो विनियोग ह्या विशयाचेर एक दिसाची चर्चासत्र आनी कार्यशाळेचे आयोजन केल्ले. आदिवासी समुदायाच्या सर्वांगीण विकासा खातीर ‘आदिवासी उप-योजने’ची (TSP) अंमलबजावणी चड बळकट करप हो तांचो मुख्य उद्देश आशिल्लो. भारत सरकाराच्या वित्त मंत्रालया अंतर्गत आर्थिक वेव्हार विभागाचे संचालक श्री. हनुमय्या आनी भारत सरकाराच्या नियोजन आयोगाचे निवृत्त संयुक्त सल्लागार डॉ. ए. कश्यप हांच्यानी ह्या प्रशिक्षणा दरम्यान वेगवेगळ्या सत्रांचे संचालन केलें. तशेंच, नीती आयोगाचे उप-सल्लागार डॉ. मुनिराजू एस.बी. हाणें वांटेकारां खातीर ऑनलायन सत्र घेतलें. ह्या प्रशिक्षण कार्यक्रमांत सादरीकरण, थेट ऑनलायन सत्र आनी गट चर्चा हांचो समावेश आशिल्लो; तशेंच एका उक्त्या सत्रांत वेगवेगळ्या विभागांतले वाटेकांरांनी ‘आदिवासी उप-योजने’ विशीं (TSP) आप आपले विचार आनी प्रस्न मांडले.

छायाचित्र आनी व्हिडिओ गॅलरी