एफआरए, 2006 अंतर्गत स्थापन केल्ल्या वेगवेगळ्या समित्यांची तांक वाडोवपाचो एक भाग म्हूण प्रशिक्षण कार्यावळ

जीआयपीएआरडी हांच्यानी आदिवासी संशोधन संस्था आनी आदिवासी कल्याण संचालनालयाच्या सहकार्यान डीएलसी आनी एसडीएलसी वांगड्यांक रान हक्क कायदो 2006 हाचेर 1 दिसाची प्रशिक्षण आनी क्षमता निर्माण करपाची वेवस्था केली. वांटो घेवप्यांक एफआरए ची अंमलबजावणी आनी रान हक्क समितीची भुमिका समजून घेवप हो हाचो मुखेल हेतू आशिल्लो. ह्या प्रशिक्षणा वेळार सत्रां चलोवपा खातीर गोंय राज्याचे नोडल अधिकारी डॉ. अजय गावडे तशेंच श्रीमती स्नेहल पाटील आयएफएस, उपवनसंरक्षक आयएफएस हांकां संसाधन व्यक्ती म्हूण आपयल्ले. प्रशिक्षणांत गट चर्चा, सादरीकरण आनी पॅनल प्रस्न आनी जाप सत्र हांचो आस्पाव आशिल्लो.