टीआरआय गोवा आनी आदिवासी समाजाखातीर ताचें ध्येय

गोंयच्या जमातींची समाजीक अर्थीक स्थिती, भास, जिवीत, संस्कृती आनी दायज हाचेर मुळावी आनी उपयोजीत संशोधन कामां करप आनी गोंयच्या जमातींच्या उदरगती संबंदीत नियोजन आनी निर्णय घेवपांत वेगवेगळ्यो सरकारी संस्था, एनजीओ, आनी हेर हांकां मार्गदर्शन तत्वां / सुचोवणी दिवप.

वेगवेगळ्या सरकारी खात्यांक,शिक्षणीक संस्थांक आनी विद्यापिठांक सहकार्य करून संशोधन अभ्यास करप आनी आदिवासी जिणेचेर परिसंवाद घडोवन हाडप.

गोंयच्या जमातीं संबंदीत संशोधन कार्यां करपाक संशोधन विद्वानांक आदार दिवप.

आदिवासींच्या फायद्या खातीर घेतिल्ल्या उदरगत येवजण्यांचेर मुल्यांकन कार्य हातांत घेवप.

गोंय राज्यांतल्या वेगवेगळ्या अनुसुचीत जमातींच्या (एसटी) विलक्षण खाशेलपण दाखोवपा खातीर संशोधन अभ्यास करप.

राज्यांतल्या थळाव्या लोकांचें गिरेस्त आनी विवीधसांस्कृतीक दायज विकसीत करपा खातीर आनी भावपण आनी सांस्कृतीक संवादाक चालना दिवपा खातीर राज्यांतल्या वेगवेगळ्या जमातींचे मेळावे आनी उत्सव आयोजीत करप

आदिवासी जीण, संस्कृती, भास आनी रान  हक्क अधिनेम, 2006च्या अंमलबजावणी कडेन संबंदीत विशयांचेर राज्य आनी राष्ट्रीय पांवड्यां वयली चर्चासत्र आयोजीत करप.

राज्यांतल्या जमातींची समाजीक-अर्थीक स्थिती, परंपरा, जिवीत आनी संस्कृताय संबंदीत पुस्तकां उजवाडाक हाडप आनी गोंय संबंदीत दुर्मीळ आनी पोरणीं पुस्तकांचें पुनर्मुद्रण करप.

आदिवासी विकासा कडेन संबंदीत कार्यशाळा/प्रशिक्षण आयोजीत करप.

आदिवासी अभ्यासांत संशोधन अभ्यासकांक सुविधा मेळची म्हूण ग्रंथालय तयार करप.

राज्य आदिवासी संग्रहालयांतल्यान आदिवासी दायज, संस्कृती, समाजीक-अर्थीक स्थिती, भेस, अलंकार आनी दिसपट्टें जिवीत दाखोवप.

गोंय विद्यापिठा कडेन संबंदीत आशिल्ल्या गोंय राज्य आदिवासी संस्कृती अकादमीच्या माध्यमांतल्यान आदिवासी लोक गीतां, लोकनृत्य लोक संगीत सारकिल्या आदिवासी संस्कृतायेक प्रोत्साहन दिवप.

भारतांतल्या वेगवेगळ्या आदिवासी संशोधन संस्थांक भेट दिवन सांस्कृतीक आदान-प्रदान करप.