भगवान विरसा मुंडाच्या जिणेचेर आदारीत नाटक

गोंय सरकाराच्या कला आनी संस्कृती संचालनालयांत भगवान बिरसा मुंडाच्या जीणेचेर “उल्गुलान” हें नाटक दाखयलें. भगवान बिरसा मुंडाच्या 150 व्या जयंती दिसा निमतान आदिवासी वेव्हार मंत्रालय, नवी दिल्ली, आदिवासी कल्याण संचालनालय, गोंय सरकार आनी आदिवासी संशोधन संस्था, गोंय हांच्या सहकार्यान जनजातीय गौरव वर्साचो एक भाग म्हूण ही कार्यावळ आयोजीत केल्ली. हें नाटक गोंयच्या फोंडेच्या राजीव गांधी कला मंदिरांत 15 एप्रील 2025 दिसा दनपारां 3:30 वरांचेर दाखयलें.

आदिवासी संशोधन संस्थेक आदार “हे येवजणे अंतर्गत ह्या कार्यावळीक भारत सरकाराच्या आदिवासी वेव्हार मंत्रालय, नवी दिल्ली हांच्यानी आदार दिलो.

कोंकणी भाशेंतल्या भगवान बिरसा मुंडाच्या जिविताचेर आदारिल्लें “उल्गुलान” हें नाटक पिसगाळ-प्रियोळ, म्हार्दोळ-गोंयच्या “गुरुरंग” नांवाच्या नाटक पंगडान सादर केल्लें. हें नाटक श्री. हृषिकेश सुलभ हाणें हिंदी भाशेंत “धरती आभा” ह्या नांवांन हिंदी बरयल्ले, जाचो श्री. वैभव कवळेकर हाणें कोंकणी भाशेंत अनुवाद “उल्गुलान” ह्या नांवान केलो, ह्या नाटकाचें दिग्दर्शन नाट्य कला म्हाविद्यालयाचे सहाय्यक प्राध्यापक श्री.श्रीकांत गावडे हांणें 40 कलाकारांचो पंगड घेवन केले. नाटकाचो कालावधी 2 वरांचें आशिल्लों.

भारताच्या स्वातंत्र्य झुजांत आनी आदिवासी समाजांच्या हक्कांत म्हत्वाची भुमिका करपी नामनेचो आदिवासी फुडारी आनी लोकनायक बिरसा मुंडाच्या दायजाचो भोवमान करप हो ह्या कार्यावळीचो हेतू आशिल्लो. बिरसा मुंडाच्या जिविताचेर आनी योगदानाचेर केंद्रीत आशिल्लें हें नाटक सुमार 500 हाजीर आशिल्ल्या उत्साही प्रेक्षकां मुखार सादर केल्लें.

ह्या कार्यावळींतल्यान गोंयच्या आदिवासी दायजाक मान्यताय दिवपाच्या आनी तो मनोवपाच्या दिकेन एक म्हत्वाचें पावल थारलें, बिरसा मुंडाच्या जिविताचेर एक नाटक प्रदर्शीत करून ताणें सशक्तीकरण, लवचीकताय आनी समाजाचो भाव हांचे खातीर आशिल्ल्या मुल्यांक बळगें दिलें. तरणाट्या पिळगेंत तांच्या मुळां विशीं जागृताय वाडोवपा खातीर आनी ताचें दायज मुखार व्हरपा खातीर तांकां प्रेरीत करपाक असले उपक्रम म्हत्वाचे आसात. ह्या नाटका वेळार हाजीर आशिल्ले शिक्षक आनी विद्यार्थ्यांनी ह्या नाटकाची खूब तोखणाय केली आनी बिरसा मुंडाच्या कामाक लागून प्रेरीत जावचे खातीर हेर शाळेंतल्या विद्यार्थ्यांकूय अशें दाखोवंक जाय अशी विनंती केली. बिरसा मुंडाच्या 150व्या जयंतीक उगडास दिवपी ह्या नाटकांत विद्यार्थी आनी शिक्षकांक एकसारकें येसस्वीपणान वांटेकार करून समाजांत सांस्कृतीक जागरूकताय आनी तोखणाय वाडयली.

छायाचित्र आनी व्हिडिओ गॅलरी