राष्ट्रीय आदिवासी रस्तो नाट्य महोत्सव तशेंच नाटक महोत्सव

राज्य पांवड्या वेलो आदि युवा रस्तो नाट्य मोहोत्सव 11 जुलय 2025 दिसा रवींद्र भवन, मडगांव हांगा जालो. गोंयच्या आदिवासी संशोधन संस्थेन आदिवासी कल्याण संचालनालयाच्या सहकार्यान “टीआरआयक आदार” हे येवजणे खाला रस्तो नाट्य सर्त घडोवन हाडलो. भगवान बिरसा मुंडाच्या 150व्या जयंतीक उगडास म्हणून जनजातीय गौरव वर्साचो एक भाग म्हूण ही कार्यावळ घडोवन हाडली.

उक्तावण कार्यावळीक मुखेल अतिथी म्हूण मडगांव मतदारसंघांतलो सन्माननीय आमदार श्री. दिगंबर कामत हाजीर आशिल्लो. आदिवासी कल्याण संचालक श्री. दीपक एस. देसाय, आनी गोंयच्या आदिवासी संशोधन संस्थेचे संचालक श्री.सागर गावडे ह्या वेळार हाजीर आशिल्ले.

कार्मेल म्हाविद्यालयाक पयलें इनाम मेळ्ळें, जाल्यार शिरोडेच्या गोमंतक आयुर्वेद म्हाविद्यालयाक दुसरें इनाम मेळ्ळें. कला, वाणिज्य आनी विज्ञान सरकारी महाविद्यालय, केपें हांका तिसरे इनाम फावो जाले जाल्यार कला, वाणिज्य आनी विज्ञान सरकारी महाविद्यालय, खांडोळा हांका उत्तेजनार्थ इनाम फावो जाले .

श्री. सुशांत नायक, श्री. दीपेश प्रियोळकर, आनी श्री. देविदास गांवकर हे, ह्या सर्तीचे परिक्षक आशिल्ले.

राज्य आनी राष्ट्रीय पांवड्या वेल्या आदी युवा स्ट्रीट प्ले सर्तीचे विशय सकयल दिल्ले प्रमाणें आसातः

1. रान हक्क कायदो, 2006

2. आदिवासी समुदायः काल, आयज आनी फाल्यां
3. आदिवासी संस्कृतायः सांबाळप आनी प्रासंगिकताय
4. जन जातीय गौरव वर्स.

छायाचित्र आनी व्हिडिओ गॅलरी