गोंय विद्यापिठा वांगडा चर्चासत्र

गोंय विद्यापिठान समाजशास्त्र कार्यावळी वरवीं आनी यूजीसी सेंटर फॉर द स्टडी ऑफ सोशल इन्क्लूजन ऑफ द डीडी कोसंबी स्कूल ऑफ सोशल सायन्सेस अँड बिहेवियरल स्टडीज वरवीं, गोंय सरकाराच्या आदिवासी कल्याण संचालनालय आनी आदिवासी संशोधन संस्थेच्या सहकार्यान “आदिवासी समाज आनी भारतांतल्या उदरगत विवेचन” ह्या विशयाचेर एक दिसाचें राष्ट्रीय चर्चासत्र आयोजीत केल्लें.

ह्या चर्चासत्रांत 11 प्राध्यापक, 99 विद्यार्थी आनी 37 भायले वांटेकार आशिल्ले. प्रा. वर्जिनियस झाक्सा आनी प्रा.सुकांत चौधरी, प्रा.एन. सुकुमार, श्री.विनायक विष्णू खेडेकर आनी डॉ.पांडुरंग फळदेसाई ह्या सारक्या नामनेच्या संसाधन व्यक्तींनी भारतांतल्या आदिवासी समाज, उदरगत धोरणां, समाजीक समावेशाचेर आपलें कुशळटाय आनी अंतर्दृश्टी उक्तायली.

उद्दिश्टां

आदिवासी समुदायांच्या समकालीन मुखेल प्रस्न सोडोवपाचे हें ह्या चर्चासत्राचे उद्दिश्ट आशिल्ले, जशे कीः

• तिगावू आदिवासी उदरगत
• आदिवासी अशांतता
• स्वदेशी गिन्यान आनी ताचे समाजीक-सांस्कृतीक प्रतिमान
• स्वदेशी अभ्यासाच्या क्षेत्रांतल्यान प्रतिश्ठीत विद्वानांक विशयांचेर चर्चा करपा खातीर प्रवृत्त करप.

मुखेल परिणाम

ह्या सत्रांनी कांय समान विशय मुखार आयले:

• संस्कृतीक संरक्षणा कडेन उदरगतीचो समतोल सादपाची गरज
• मुखेल प्रवाहांतल्या कथांनी आदिवासींच्या आवाजाची अदृश्यताय
• चड समावेशक धोरणां आनी शिक्षणीक सहभागाची तातडीची गरज