गोंयांतल्या आदिवासी खाद्यपदार्थांचो परत सोद घेवप-गोंयांतल्या दोन जिल्ल्या मदी कृती संशोधन प्रस्ताव

नवी दिल्लीच्या आदिवासी वेव्हार मंत्रालयान 2020-21 वर्सा गोंय राज्या खातीर “गोंयची आदिवासी पाककला परतून सोदून काडप-गोंयच्या दोन जिल्ल्यांत कृती संशोधन प्रस्ताव” ह्या प्रकल्पाक मान्यताय दिल्या. हो प्रकल्प कार्यान्वीत करपा खातीर सरकारी कला, विज्ञान आनी वाणिज्य म्हाविद्यालय, केंपे-गोंय सुपूर्द केला.

“गोंय राज्याच्या भोंवतणच्या वाठारांत थळाव्या आदिवासी पाककृती आनी संबंदीत गिन्यानाची वळख करून दिवप, संकलन करप आनी ताका चालना दिवप हो ह्या अभ्यासाचो हेतू आसा. ह्या अभ्यासांत आदिवासींच्या पारंपारीक पाककृतींची नोंद करपाची आनी राज्य पाककृती माहिती पुस्तिका उजवाडाक हाडपाची कल्पना आसा. ह्या अभ्यासाचो मुखेल परिणाम म्हणळ्यार गोंय राज्य आदिवासी पाककृती माहिती पुस्तिकाचें प्रकाशन आनी देशभरांतल्या गोंयच्या आदिवासी खाद्य पाककृतींची लोकप्रियता “

ह्या प्रकल्पाची उद्दिश्टां सकयल दिल्ले प्रमाणें आसातः

• उत्तर आनी दक्षीण गोंयच्या आदिवासी समाजांतल्यान आगळ्यो खाशेल्यो पाककृती वळखुवक.
• उत्तर आनी दक्षीण गोंयच्या आदिवासी समाजांचें राज्य पाककृती माहिती पुस्तिकाची वळेरी तयार करून उजवाडाक हाडप.
• भुगोलीक सुवात सोदून काडप आनी गोंयच्या आदिवासी लोकां कडल्यान गिन्यान मेळोवप आनी अन्नाचेर आदारिल्लो एक यशस्वी हस्तक्षेप तयार करप जाका लागून लोकसंख्येची भलायकी आनी कल्याण व्हड प्रमाणांत सुदारता.
• आदिवासी गिज्ञानाची मान्यताय मेळोवपा खातीर सादारणपणान वापरिल्ल्या सोशल मिडिया वरवीं आदिवासी जेवणाची पाककृती लोकप्रीय करप
• आदिवासी जेवण: http://tribalcuisinegoa.in/