डिजिटल राष्ट्रीय आदिवासी नृत्य महोत्सवाचे आयोजन

“डिजिटल राष्ट्रीय आदिवासी नृत्य महोत्सव” हा नवी दिल्ली येथील आदिवासी व्यवहार मंत्रालय, गोवा शासनाचे आदिवासी कल्याण संचालनालय आणि गोवा राज्य आदिवासी संशोधन संस्था यांच्या संयुक्त विद्यमाने १७ ते १९ डिसेंबर दरम्यान पोंडा येथील राजीव गांधी कला मंदिरात आयोजित करण्यात आला होता. महोत्सवासाठीचा सेट आदिवासी वेशभूषा आणि वातावरणासह पर्यावरणपूरक साहित्याचा वापर करून तयार करण्यात आला होता. आदिवासी कला आणि संस्कृतीच्या पारंपरिक हस्तकला दर्शवण्यासाठी तो उत्तम प्रकारे सजवण्यात आला होता.

हा महोत्सव गोव्यातील लोककला गट आणि इतर राज्यांतील आदिवासी लोककला गटांच्या सहभागाने आयोजित करण्यात आला होता. या महोत्सवात गोव्याबाहेरील झारखंड, ओडिशा, छत्तीसगड, राजस्थान या चार आदिवासी गटांनी आणि गोव्यातील १० गटांनी आपली कला सादर केली. लोककला प्रकाराच्या गरजेनुसार प्रत्येक गटात २० ते ३० कलाकार असतात. अधिकाऱ्यांव्यतिरिक्त सुमारे ४३० आदिवासी लोककलाकारांनी या महोत्सवात भाग घेतला.

गोव्याबाहेरील राज्यांनी काकसर, घोंड, पैका मुंडारी, संबलपुरी, मेवाशी आणि रत्वा हे लोकनृत्य सादर केले, तसेच अधिकाऱ्यांनी गोव्यातील झागोर, लॅम्प डान्स, गॉफ, मुसल डान्स, कुणबी डान्स, तळगडी यांसारखी आदिवासी नृत्ये सादर केली.

छायाचित्र आनी व्हिडिओ गॅलरी